مشكلة 16

انا اتعرفت علي بنت من المنوفيه من اكثر من 6 سنين كانت في كليه طب بيطري وانا شغال مهندس من الصعيد اتعلقنا ببعض وحبينا بعض جدا كنت بحبها جدا وبصراحه هيا بنت اخلاق عاليه جدا وبنت ناس كويسين ومحترمه ومن حوالي سنه بعد ما خلصت جيش كلمتها اني عايز اجي اتقدملها كانت كل شويا تأجل الموضوع وتقلي اصبر شويا وكنت بصبر بس من حوالي شهرين اتكلمنا اني هاجي اتقدملها وكنت مظبط كل حاجه صحيح اهلي اعترضوا في الاول انها من بلد بعيده معترضرش علي شخصها بس لما شافوا اني مصمم عليها قالوا أحنا موافقين ما دام هتبقي مبسوط معاها في الايام اللي كان المفروض اكلم اهلها لقيتها بتقلي ان في عريس متقدم واهلي موافقين عليه جدا قلتلها سبيني اكلم بابا واتقدم سبيني انا هتصرف فضلت تقلي لا مش هينفع لان بابا مش هيوافق يقابلك وفي حد متقدم قلتلها اقعدي مع العريس وارفضيه قللتي ماشي وبالفعل قعدت معاه بس لقيتها تاني يوم بتقلي اهلي ضاغطين عليا كلهم وانا برفض وهما شكوا فيا اني علي علاقه بحد تاني قلتلها خلاص سبيني اكلم باباكي او حد من اخواتك واتقدملك تقلي مش هينفع فضلنا 3 ايام علي الحال ده لا سيباني اتصرف ولا عايزه هيا تتصرف وعماله تقلي اهلي بيضغطوا عليا انا طبعا تعبت ومستحملتش اني اشوف أهلها بيضغطوا لاني حسيت انها تتعبانه قلتلها خلاص ما دام انتي مش عارفه تتصرفي ولا سيباني اتصرف هقلك ايه غير وافقي علي العريس لاني مش مستحمل اشوفك في التعب ده لقيتها بتقلي كل حاجه نصيب وبعدها بيومين لقيتها عماله بلوك ليا علي الواتس والفيس وعامله حذر للارقام.
بعدها ب4 ايام لقيت اتصال من رقم غريب وواحد بيقلي انت رنيت علي رقم اختي وبتاعكس انا طبعا مكتتش فاهم حاجة كنت فاكر واحد غلطان وفضل يقول كلام سخيف قفلت في وشه وببحث على التروكولر بالرقم لقيته باسم اخوها وحطيت الرقم علي الواتس ظهرلي صورته انا كنت هتجنن معرفش ايه اللي حصل طلبت من صحبتها تبلغها اني عايز اكلمها وطبعا نفضت ولا كاني قلت حاجه انا طبعا حاسس بحجات جوايا اصعب من اني احكيها اكتر من سنين ضاعوا هدر اكتر من 6 سنين اترموا في الأرض معرفش هيا عملت كده ليه بس كل اللي عارفه ان جوايا بركان من ناحيتها لاني عمري ما حبيت غيرها وكنت مستعد اعمل اي حاجه في الدنيا علشانها.. جوايا مليون سؤال مش لاقي ليهم اجابه .. اسف للإطالة